الأربعاء، 4 أبريل، 2012

تريز سليمان - عندي كلام


أبانا الذي في السما ,,
إنت ع راسي إنما .. عندي كلام

 
في كم سؤال بهالعمر
اجتمعوا براسي من القهر .. والإنهزام

ما هيدا مبارح كان ولد
كيف ت بلع كل البلد ؟
أول سؤال

مبارح أخونا كان فقير
هلأ تيابو من حرير ! ؟

تاني سؤال

كيف العرب بعد النفط
صارت حضارتهن زفت؟؟
تالت سؤال

ليش العدالة بتنعدم
والحرية بتنحرم !! ؟
رابع سؤال

كيف بيخلق واحد زعيم
والتاني ما عندو ملّيم
خامس سؤال

كيف الصهيوني مضطهد
ما هوّي سارقلي بلد
هوني السؤال

أبانا الذي في السما..
إنت ع راسي إنما .. عندي كلام
في كم سؤال بهالعمر
اجتمعوا براسي من القهر .. والإنهزام

كيف العراقي بينقتل
ما قالوا حرية وعدل ؟؟
سابع سؤال

ليش الضمير بحتضر
عِنّا بيضلّو مستتر
تامن سؤال

كيف الأميركاني حكم
هيدا الغيبي بين الأمم

تاسع سؤال

ليش الفتك فينا حلال ! ؟
فكّرلي في هذا السؤال
عاشر سؤال


أبانا الذي في السما
إنت ع راسي إنما .. عندي كلام

أبانا الذي في السما
إنت إلهي إنما .. هذا حرام


هيدي وصايا يا أبي
أرشف وصفها بمكتبي ..
كي لا تُزال


أخيراً ليس آخراً
ما يطلع حكيي نافراً
لا تعتبرني كافراً
اتطلع فيّي يا أبي
ساعدني في طريقي يا أبي .. عليك السلام

أبانا الذي في السما
هذا حرام .. هذا حرام .. هذا حرام

 


ليست هناك تعليقات: